کتاب: سیفینز (بندغ نا کُڑمب اِنگا تاریخ)

 

کتاب: سیفینز (بندغ نا کُڑمب اِنگا تاریخ)

نوشتہ کار : یُووَل نو ھرارے

براہوئی مٹ و جاچ: گُل بلوچ

دا کتاب جہانٹ پنی مریسہ ننے اسکان سرمس۔ نن دا کتاب ءِ خواننک آنپد تینا ھنینا زبان اسکان سر کننگ نا کوشست ءِ کرین۔ دا کتاب نا نوشتہکار یوول نو ھرارے ءِ ہراکہ اسرائیل نا ڈغار آ 24 فروری 1976 ٹی ودیمس و تینا بنیادی خواننگ ءِ ہموکان برجا تخسہ ھیبریو یونیورسٹی آن بی۔اے و ماسٹر کرے۔ داڑان پد او جیزز کالج آکسفورڈ آن دیہاڈ نا پڑ آ پی۔ایچ۔ڈی کرے۔ او دا کتاب آن بیدس پین گڑاس کتاب ہم نوشتہ کرینے۔ اوفتیٹی  ہومو داس و 21 سبخ 21 کرن کِن، بھاز پنی ءُ۔

دا کتاب بندغ نا دیہاڈءِ بنا آن آلیک اینو اسکان سرکیک۔ گڑا دا دیہاڈ نابھاز ئنگا بدلی تے مونا اَتیسہ بندغ ءِ بھاز آ ٹولی تیٹی بشخک و آخریکوٹولی ہراکہ اینو ڈغار آ ساڑی ءِ ہنداڑسکان سر کریسہ، خوانوک ءِ اسہگچینو زانت ئسے نا خواجہ کیک۔ بندغ نا جون و رنگ و رُوھاڑ نا بدلی توناوار زر نا ودی مننگ، سیاست نا بنا، مذہب نا پڑو و بندغ نا ایسر مننگ ناسوب آتا بابت ئٹ خیال آتے مونا ہتیک۔

 

بدل سدل(Evolution) نا خیال نا رد ئٹ کہ بندغہوسٹرلوپیتیکس(Australopithecus) نَمبی پارہ نا بولُو تیان ودی مسنے۔ بیست لَک سال مُست بندغ گوریچی امریکہ، یورپ و ایشیا ٹی تالان مس۔ ہندا تالان مننگ و ہندی مننگ نا سوب آن اوفتے ہمو ہند نا وڑئٹ پن تننگانےو اولیکو مُسہ ٹولی تیٹی بشخنگانے۔نی انڈرتل(Neanderthals) اولیکوٹولی ءِ ہراکہ جرمنی نا نی اینڈر دشت ئٹی ہَندی مسنے۔ہوموھیریکٹس(Homo Erectus) ارٹمیکو ٹولی ءِ ہراکہ دے ٹِکی ایشیا ٹی ہَندیمسنے۔ ہومو ڈینسوا(Homo Denisova) مُسٹمیکو ٹولی ءِ ہراکہ سائبیریاٹی ہَندی مسنو۔ دا مُسٹ ئنگا ٹولیک تدوکا وخت و زمانہ تون اَوار بدل سدلنا گواچی مریسہ اِرٹمیکو مُسہ ٹولی ءِ ودی کریر و جندآک تا جہان ءِ موکلکریر۔دا مُسہ ٹولی تا اولیکو ٹولی ہومو روڈولفنسز(Homo Rudolfensis) ءِ ہراکہ کِنیا نا روڈلف کُمب ئنا ہَندی مسنو۔اِرٹمیکو ٹولی ہومواِرگیسٹر(Homo Ergaster) ءِ ہرا دےٹِکی و نَمبی افریقہ ٹی ہَندی مسنے۔ مُسٹمیکو و ساڑی آ ٹولی ہومو سیفینز(Homo sapiens) ءِ ہراکہ ایتھوپیاٹی ہَندی مسنو۔ہومو سیفینز نا مانہ عقلمند آ بندغ نا ءِ۔ ہندا ٹولی70٫000 سال مُست بھاز ئنگا ھمپ و لَڈ ئنا وڑٹ مُچا جہانٹ تالان مریسہجہان نا بھاز ئنگا ہند آتیٹ ہندی مسر۔

 

بندغ اولیکو وخت آتیٹی جنگل ئٹ مسنے۔ پدا مَش و غار تیٹی وخت تیرکرینے۔ دا وختا اونا کُننگ سادار تا شکار و بُوچ آک مسنو۔دا وختااوفتیتون تِخوکو نِکان مَتنے اندا سوب آن ہرا وختا کہ ڈُکال مسنے گڑا اوفتابھازاک مرگ ئنا گواچی مریسہ کرینو۔دا ویل ءِ مُر کَننگ کِن بندغ جہان ناایلو زمانہ ٹی نَت تِخسہ 10٫000سال مُست کِشت وکِشاری و سادار لاھوکننگ نا بنا ءِ کرینے۔ دا بنا آن پد بندغ ڈکال نا ویل ءِ مُر کریسہ نِکانتخنگ نا بنا کرے۔نکان تخنگ نا سوب آن جاگس بھاز نکان ودی مس وجاگس کم ودی مس۔ اوڑان بیدس ہرا گڑا کہ اسہ ہندا ودی مسک تو ایلوہندا ودی متوکہ۔ گڑا بندغ اسہ ہند آن ایلو ہندا نکان دریکہ اوفتا بدل ٹیامو ہند نا ودی مروکا نکان تیان تین کِن ایسکہ۔ ہندا وڑٹ بھاز آ سوداگرآک ڈغار نا جہان تے اَسٹ ایلو آن واخب کریر۔دا نیام ئٹی اَسہ پین ویلاَس ودی مس کہ کس ئتون اگہ سوداگر نا درکار نا گِڑا متو گُڑا او امرکے؟ دا ویل ءِ بندغاک مُر کریسہ پیسہ ءِ نیام ئٹی اِیسُر کہ کس ئتو اگہسوداگر نا درکار نا گِڑا متو گُڑا او سوداگر ءِ پیسہ اِیتے۔ دا پیسہ سادارنا سِل یا خُوار نا شکل اَٹ اَس۔ پدا میسوپوٹیمیا ٹی پیسہ زر ئنا سکہ نادروشم ئٹ مس، اوڑان پد روم ئٹی پیسہ دینار نا دروشم اَٹ مس، انگریزآتا دور اَٹ دا پاؤنڈ مس و ساڑی آ وخت ئٹی ڈالر نا پن اَٹ پِنی ءِ۔ پیسہجہان اَٹ بَروسہ نا بنداو آ جوڑ مس۔داڑان بیدس جہانٹ گِڑا تا بدلی ءِسُبک کرے۔

 

نِکان نا بھاز مننگ، نکان نا تخنگ نا سوب آن ، نِکان نا اَلنگ و تننگ نا زیآ سیاست نا بنا مس۔ سیاست گڑا مُچا جہان ءِ اَسٹ کننگ نا کوشستکرے۔ سیاست نا بنا مننگ آن پد میسوپوٹیمیا نا چنکو شار ئسے نابادشاہ تینا سند و سیم آتے تالان کریسہ جہان نا اولیکو سلطنت اکاڈین ءِجوڑ کرے۔دا بادشاہ نا کہنگ آن پد سلطنت خلاس متو ولے دا جہان ئٹبرجا مریسہ اسوری، بابلی، فارس، یونان، رومی، مسلم، انگریز و داسہامریکہ نا دروشم ئٹ جہان ئٹی ساڑی ءِ۔ مسلمان آتا خلافت نا مسخت دائس کہ او آسمانی کلہو آتے مچا ڈغار آ امن ئٹ و اَگہ زغم درکار مس توزغم ئٹ تالان کننگ خُوائسُرہ۔

 

انگریز تینا مذہب ءِ تالان کننگ و آجو ءُ سوداگری جہان ہٹ خوائسکہ۔ سویت یونین سرمایہ دار آتا خلاف بزغر تا بادشاہی ءِ مننِگ تون اوار تینےجہان اَٹ تالان کننگ خوائسکہ۔ امریکہ جمہوریت و بندغ نا ھک آتے مننِگو جہان اَٹ تالان کننگ خوائک اگہ توفک نا درکار مس تو داڑ کِن بکارکیک۔ہندو رد ئٹ مذہب نا سوب آن بندغاک جہانٹ اوار مریسہ کرینو دنکہپیسہ وسیاست نا سوب آن۔ مذہب اسہ خدائی ءُ یقین ئس ودی کیک وپائک کہ دا کل کانود آک خدا نا جوڑ کروکو۔ دافیتیٹی بندغ نا ہچو دُو اَساف۔ مذہب نا کانود آک بندغ نا زند ءِ تینا وڑ ئنا رسم و رواج ئسے ناگواچی کیرہ۔مذہب ٹی اِرا کرامت اَرے اسٹ داکہ مذہب تیوہ جہان کنجوڑے، ارٹمیکو داکہ مذہب ءِ تیوہ جہانٹ تالان کروئی ءِ۔ دا کرامت کناسلام و بدھ ازم بھاز پنی ءُ۔

 

اَگہ مذہب ءِ خوڑتی ئٹ اُرِن تو مذہب مُسہ دروشم ئٹ ساڑی ءِ۔ اولیکو داکہاَسہ خدا ءِ منّرہ و اوڑتون کس ءِ اوار کپسہ، دنکہ اسلام۔ ارٹمیکو داکہبھاز آ خدا تے منّرہ و ہر گڑاکے اَسہ خدا سے اِبادت کیرہ، دنکہ ہندو مت۔ مُسٹمیکو داکہ اِرا خدا ، ارا بھلو تاغت ءِ منیرہ، کہ اَسٹ خدا ایلو شیتانکہ دافتا مقابلہ مننگ ءِ، دافتا میدان بندغ ءِ۔ دا پارہ کہ خدا روھ ءِ جوڑکرینے و شیتان جون ءِ جوڑ کرینے، دنکہ زرتشت۔دا کل ویل آتیان جہانپیشن مریسہ کدرت نا کانود آتے دوٹی کریسہ گڑاس پوسکنو  خیال ودیکرینے دنکہ لبرلزم ، کمیونیزم ، کیپٹلزم و نیشنلزم۔ دا پوسکن ودی مروکاخیال آک بندغ آتے مذہب آن آجو کَننگ نا سوب جوڑ مننگ ءُ۔ دا ساڑی آزمانہ مذہب آن آجو مننگ نا زمانہ ءِ۔ داڑان بیدس جہان ئٹ سائنسی بدلیہم کاٹم کرے، داٹی پٹ و پول بھاز کمک کرینے۔ کارخانہ و ٹیکنالوجیکجہانٹ پنی مسر۔ دافتا سوب آن فرانس، روس و چین ئٹی بدلیک بسر وجہان نا کسر ءِ پوسکن کریر۔بندغ نا دا مُرغُنا سفر آخیر مریسہ بندغ ناخلاسی ٹی کٹک۔ گڑا بندغ بدل سدل نا سوب آن خلاس مننگ کیک، مُستئنا بندغ آتے سائنسی وڑ ئٹ ودی کننگ آن بندغ خلاس مننگ کیک ومسنوئی ذہانت نا سوب آن ہم بندغ دا جہان ءِ موکل کننگ کیک۔